إيه أنسب طريق ليك لألمانيا؟ وأي مستوى ألماني محتاجه؟

لمين؟

لو جوزك أو مراتك عايش في ألمانيا وعايز تسافر له.

أهم الشروط

• شهادة ألماني مستوى A1 من جوته أو تيلك أو ÖSD.
• الشهادة الأصلية بتتقدّم مع طلب الفيزا.
• باقي الأوراق والشروط بتحددها السفارة حسب كل حالة.

معانا من الصفر لـ A1: ≈ 3 شهور وأسبوعين

لمين؟

لو معاك مؤهل جامعي أو مهني (سنتين على الأقل) وعايز تدوّر على شغل جوه ألمانيا.

أهم الشروط

• ألماني A1 على الأقل (أو إنجليزي B2).
• نظام نقاط محتاج فيه 6 نقاط، والألماني بيزوّد نقاطك: A2 = نقطة، B1 = نقطتين، B2 = 3 نقاط.
• إثبات قدرة مالية 1,091 يورو في الشهر (2026). البطاقة لمدة لغاية سنة، ومسموح بشغل جزئي 20 ساعة في الأسبوع.
• لو مؤهلك متعادل بالكامل في ألمانيا، مش محتاج شرط اللغة ولا النقاط.

معانا من الصفر لـ A1: ≈ 3 شهور وأسبوعين

لمين؟

لو عايز تتعلم مهنة في ألمانيا (تمريض، فندقة، صناعة، تجارة…) وتاخد مرتب وإنت بتتدرّب.

أهم الشروط

• ألماني B1 في الغالب.
• عقد تدريب من شركة أو مدرسة في ألمانيا.
• في التدريب في الشركات: مرتب التدريب لازم يكون 822 يورو صافي في الشهر على الأقل (2026).

معانا من الصفر لـ B1: ≈ 10 شهور وأسبوعين

لمين؟

لو عايز تكمّل دراستك (بكالوريوس أو ماجستير) في جامعة ألمانية بالألماني.

أهم الشروط

• ستودين كوليج (السنة التحضيرية): B1 على الأقل، والأفضل B2.
• الدخول للجامعة مباشرة: مستوى C1 تقريباً، زي DSH-2 أو TestDaF أو telc C1 Hochschule.
• كل جامعة وكل تخصص ليه شروطه، فلازم تتأكد من الجامعة نفسها.

معانا من الصفر لـ B1: ≈ 10 شهور وأسبوعين

لمين؟

لو معاك شهادة تمريض (أو مهنة طبية منظّمة) وعايز تشتغل بيها في ألمانيا.

أهم الشروط

• الاعتراف بشهادة التمريض محتاج B2 على الأقل.
• ممكن تسافر بفيزا «شراكة الاعتراف» بمستوى A2، وتكمّل الاعتراف واللغة جوه ألمانيا مع صاحب الشغل.
• المهن الطبية التانية ليها شروط لغة خاصة، فلازم تتأكد من جهة الاعتراف.

معانا من الصفر لـ B2.1: ≈ 13 شهر وأسبوعين